Partinan Caribense di Reino Hulandes – Kòrsou, Aruba, Sint-Maarten y e municipionan special Boneiro, Sint Eustatius y Saba (aki despues: CASBES) – ta enfrentando gran reto. For di desiguldad socio-economico te na stabilidad gubernamental; asunto complica cu ta pidi profesionalnan cu conosemento y competencianan adecua. Pa por atende e retonan aki di manera eficaz, tin mester di programa di enseñansa cu ta sostene profesionalnan den nan desaroyo. Programa cu ta enfoca riba innovacion, resiliencia den sector publico y e retonan cu gobierno ta enfrenta – resumi bou di e tema principal: fortalecemento di gobernacion.

E meta aki ta ser buska pa un consorsio di instancianan di conosemento: Universidad Utrecht, Universidad di Aruba, Universidad di Kòrsou Dr. Moises da Costa Comez i De Haagse Hogeschool. Hunto nos ta traha riba desaroyo di e plataforma LLO-Caribbean, un luga pa Lifelong Development caminda cursonan di LLO por wordo ofreci, tanto den forma blended como hybrid. Profesionalnan for di Caribe y Hulanda Europeo por asina siña i sigui desaroya nan mes.

Enseñansa como respuesta na reto gubernamental

Pa instancianan gubernamental i servicio publico, inverti den desaroyo di profesionalnan ta crusial pa mehora calidad i capacidad di gobierno local. E plataforma LLO ta ofrese un opcion amplio di LLO accesibel, flexibel y modular cu ta conecta cu e nesesidadnan di contenido for di parti Caribense di Reino. Asina nos ta amplia e Capacidadnan di profesionalnan den servicio publico.

Participantenan por sigui programa na diferente instancia. Tur resultado y certificado cu wordo haña ta ser reconosi pa e instancianan den e consorsio. Di e manera aki, profesionalnan por compila un trayecto di siñamento personalisa sin obstaculonan administrativo.