Partinan Karibense di Reino Hulandes – Kòrsou, Aruba, Sint Maarten i e munisipionan speshal Boneiru, Sint Eustatius i Saba (aki despues: CASBES) – ta enfrentando retonan grandi. For di desiguldad sosio-ekonómiko te na stabilidat gubernamental; asuntu kompleho ku ta rekerí profeshonalnan ku konosementu i kompetensianan adekuá. Pa por atendé e retonan aki di manera efikas, tin mester di programanan adukativo ku ta sostené profesionalnan den nan desaroyo. Programa ku ta enfoká riba inovashon, resilensia den sektor públiko i e retonan ku atministrashon públiko ta enfrentá – resumí bou di e tema general: fortalecemento di gobernashon.

E meta aki ta ser buská pa un konsorsio di instansianan di konosementu: Universidad Utrecht, Universidad di Aruba, Universidad di Kòrsou Dr. Moises da Costa Comez i De Haagse Hogeschool. Huntu nos ta traha riba desaroyo di e plataforma LLO-Caribbean aki, un website pa Lifelong Development & Learning kaminda cursosnan di LLO por wordu ofresí, tantu den forma blended komo híbri. Profesionalnan for di Karibe i di Hulanda Europeo por asina siña i sigui desaroyá nan mes.

Edukashon komo kontesta riba retonan di gobernashon

Pa institutonan di gobièrnu i servisionan públiko invertí den desaroyo di profesionalnan ta krusial pa fortalesé kalidat i capasidat di gobièrnu lokal. E plataforma LLO ta ofresé un opcion amplio di LLO aksesibel, fleksibel i modular ku ta alinea ku e nesesidadnan substancial di e parti Karibense di Reino. Asina nos ta ampliá e kapasidadnan di profesionalnan den servisio públiko.

Partisipantenan por sigui programa na vários institutonan. Tur resultado i sertifikado ku a wordu obtení ta ser rekonosé pa e institutonan den e konsorsio. Di e manera aki profesionalnan por kompilá un trayekto di siñamentu personalisá sin opstákulonan atministrativo.